Saturday, November 19, 2011

Mine for a moment!

ನನ್ನವಳಲ್ಲ ನೀನು ಚೆಲುವೆ
ನನ್ನ ಕಣ್ಣಿನ ಪಟದ ಭಾವಚಿತ್ರ
ನನ್ನ ಕಂಗಳ ಕೊಳದಿ
ಗಜ್ಜೆಯ ಕಾಲುಗಳು ಕುಲುಕಿ
ತುಳುಕಿಸಿದಲೆಯ ವೃತ್ತ
ಮಳೆಯ ಮುತ್ತುಗಳಂತೆ
ನಿನ್ನ ನಗುವಿನ ಹನಿಯು
ಕುಣಿದಾಡಿ ತಿಳಿಯಾಗಿ ಹರಿಯುತಿದೆ
ಸುರಿದು ನನ್ನಯ ಶಿರದ ಮೇಲೆ
ಕಲ್ಲಿನೆದೆಯಲಿ ಕಾಲುವೆಯ ಕೊರೆಯುತಿದೆ
ಕ್ಷಣಕಷ್ಟೇ ನೀ ನನ್ನೊಡನೆ, ಬಾಲೆ

ನಿನ್ನ ಸುಖದರಮನೆಗೆ
ಸಾಲದೆನ್ನೆರಡು ತೋಳುಗಳು
ಕರೆದು ಕಣ್ಮರೆಯಾಗುವ
ಬೆಟ್ಟದ ನವಿಲು ನೀನು
ನಿನ್ನ ನಗುವಿನ ಧ್ವನಿಯ
ನೆನಪೇ ಬೆಳದಿಂಗಳು
ನನ್ನ ತೀಡಿದಾ ನೋಟದ
ಗರಿಯು ನನ್ನದಲ್ಲವೇನು?

No comments: